Մարդու իրավունքների պաշտպանին առընթեր ապաստան հայցողների, բռնի տեղահանվածների և փախստականների իրավունքների խթանման և պաշտպանության հարցերով խորհուրդը ստեղծվել է  2026 թվականին՝ Պաշտպանի որոշմամբ։

Խորհրդի հիմնական նպատակն է՝ որպես խորհրդատվական մարմին, աջակցել Պաշտպանին ապաստան հայցողների, բռնի տեղահանվածների և փախստականների իրավունքների պաշտպանության գործում, ինչպես նաև վերհանել ոլորտում առկա խնդիրներն ու նպաստել դրանց արդյունավետ և պատշաճ հասցեավորմանը։

Խորհուրդը ձևավորվել է ապաստան հայցողների, բռնի տեղահանվածների և փախստականների իրավունքների պաշտպանության ոլորտում մասնագիտական գիտելիքներ և փորձ ունեցող հասարակական կազմակերպությունների ներկայացուցիչներից ու անկախ փորձագետներից։ Խորհրդի նիստերին կարող են մասնակցել նաև ապաստան հայցողներ, բռնի տեղահանվածներ և փախստականներ։

Խորհուրդը բաղկացած է 10 անդամից, որոնց թվում են ինչպես ոլորտում գործունեություն ծավալող հասարակական կազմակերպությունների ներկայացուցիչներ, այնպես էլ երկարամյա փորձառություն ունեցող անկախ փորձագետներ։

Խորհրդի գործունեությունն ուղղված է ոլորտում առկա համակարգային խնդիրների բացահայտմանը, իրավունքների պաշտպանության մեխանիզմների կատարելագործմանը, ինչպես նաև պետական մարմինների, քաղաքացիական հասարակության և միջազգային գործընկերների միջև համագործակցության ամրապնդմանը։